اے لوگو!نور ِ ہدایت کی طرف آؤ اوراپنے ایمان کی حفاطت کرو
٭سید الانبیاء سیدنا محمد رسول اللّٰہ ﷺ کا ارشاد مبا رک ہے!
”پھر ان کے بعد نالائق لوگ ان کی جگہ آئیں گے،کہیں گے وہ باتیں جو کریں گے نہیں اور کریں گے وہ کام جن کا انہیں حکم نہیں دیا گیا۔بس جو ان کے خلاف ہاتھ سے جہاد کرے وہ مومن ہے۔اور جو ان کے خلاف زبان سے جہاد کرے وہ مومن ہے۔اور جو ان کے خلاف دل سے جہاد کرے وہ مومن ہے۔اور اس سے کم تر ایمان کا ذرہ برابر بھی درجہ نہیں ہے“۔(المسلم)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
غفلت میں مبتلا اور بے حس حکمرانوں کے نام رسول اللّٰہ ﷺ کا پیغام
٭ تاجدارِ کائنات سیدنا محمد رسول اللّٰہ ﷺ کا ارشاد ہے!
”جو شخص مسلمانوں کے امور کا ذمہ دار ہو اور وہ ان کی دوستی اور ضروریات اور فقر و فاقے سے بے نیاز ہو گیا،اللّٰہ تعالیٰ قیامت کے دن اس حاکم کی دوستی اور حاجتوں اور فقر و فاقے سے بے نیاز ہو جائے گا“۔
(امام ابو داؤد اور ابن ماجہ نے روایت کیا ہے،صحیح الجامع حدیث نمبر ۵۹۵۶، مستدرک الحاکم)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بد دیانت اور دھوکہ باز حکمرانوں کے نام رسول اللّٰہ ﷺ کا پیغام
٭حضور نبی کریم،رؤف الرحیم سیدنا محمد رسول اللّٰہ ﷺ کا فرمان ہے!
”کسی حاکم کا اپنی رعیت (ماتحت،قوم)میں تجاوز کرنا بد ترین خیانت ہے“۔(کنزالا عمال)
٭سید العالمین محمد رسول اللّٰہ ﷺ کا ارشاد ہے!
”خیانتوں میں بدترین خیانت حاکم کا رعایا کے اندر (ذاتی) تجارت اور کاروبار کرنا ہے“۔
.....................................
بد دیانت حکمران اپنے انجام سے بے خبر نہ ہوں
٭حضور نبی کریم،رؤف الرحیم سیدنا محمد رسول اللّٰہ ﷺ کا ارشاد ہے!
”جو مسلمانوں کے کسی معاملے کا متّولی (ذمہ دار) بناپھر اس نے ان سے خیانت کی تو وہ آگ میں جلے گا“۔(حضرت انس رضی اللّٰہ عنہ۔طبرانی صغیرہ)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بد دیانت اور دھوکا بازحکمرانوں کا انجام
٭ تاجدارِ کائنات سیدنا محمد رسول اللّٰہ ﷺ کا ارشاد ہے!
”کوئی حکمران جو مسلمانوں میں سے کسی رعیت کے معاملات کا سربراہ ہواگر اس حالت میں مرے کہ وہ ان کے ساتھ دھوکا اور خیانت کرنے والا تھاتو اللّٰہ اس پر جنت حرام کر دے گا“۔(بخاری کتاب لاحکام)
٭
عوام کو دھوکا دینے والے حکمران کا انجام
٭حضور نبی کریم،رؤف الرحیم سیدنا محمد رسول اللّٰہ ﷺ کا ارشاد ہے!
”جو راعی (حکمران) اپنی رعایا کودھوکہ دے وہ جہنم میں داخل ہو گا“۔
(ابن عساکر عن معقل بن یسار،صحیح الجامع الحدیث نمبر ۳۱۷۲)
٭
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لو گوں کی خبر گیری اورحا جت روائی کرنے والے کو ووٹ دینے کی فضیلت و اہمیت
٭سید العالمین محمد رسول اللّٰہ ﷺ نے فرمایا!”جس کو اللّٰہ تعالیٰ مسلمانوں کے کسی کام کا والی بنائے اور وہ ان کی ضرورت اور تنگدستی دور کرنے کی کوشش کرے تو اللّٰہ اسکی حاجت،ضرورت اور تنگدستی دور فرما دیتا ہے“۔( ترمذی،بحوالہ مشکٰوۃ)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حکمرانوں کے لئے دعا اور بد دعا
رسول کریم ﷺ نے اللّٰہ جل شانہ کی بارگاہ میں دعاکی!
”اے اللّٰہ!جو شخص میری امت کے معاملات کا ذمہ دار بنے پھر وہ لوگوں کو پریشانیوں اور مشقتوں میں مبتلا کر دے تو تو بھی اس کی زندگی تنگ کر دے۔اور جو شخص میری امت کے معاملات کا والی بنے اور لوگوں سے محبت اور شفقت سے پیش آئے تو اے اللّٰہ تو بھی اس پر رحم فرما۔
(حضرت عائشہ صدیقہ رضی اللّٰہ تعالیٰ عنہ۔مسلم۔کتاب لامارہ)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بے رحم حکمران اللّٰہ سے ڈریں
٭ جو شخص میری امت کے کسی امر کا والی بنے لیکن ان کے لئے خیر سگالی کا جذبہ نہ رکھے اور ان کے لئے ایسی کو شش نہ کرے جیسی وہ اپنے لئے کرتا ہے،اور اپنے لئے خیر خواہی رکھتا ہے تو اللّٰہپاک قیامت کے روز اس کو منہ کے بل جہنم میں گرا دیں گے۔(الکبیر اللطبرانی عن معقل بن یساررضی اللّٰہ تعالیٰ عنہ)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
عنقریب کیا ہو نے والا ہے؟
تاجدار کا ئنات سیدنا محمد رسول اللّٰہ ﷺ نے ارشاد فرمایا!
”عنقریب تم پر ایسے لوگ حکمران ہوں گے جن کے ہاتھ میں تمہاری روزی ہو گی۔وہ تم سے بات کریں گے تو جھوٹ بولیں گے۔اور کام کریں گے تو برے کام کریں گے۔وہ تم سے اس وقت تک راضی نہ ہوں گے جب تک تم ان کی برائیوں کی تعریف اور ان کے جھوٹ کی تصدیق نہ کرو۔پس تم ان کے سامنے سچ پیش کرو۔جب تک وہ اسے گوارہ کریں۔پھر اگر وہ اس سے تجاوز کریں تو جو شخص اس پر قتل کیا جائے وہ شہید ہے۔(کنز العمال۔ج:۶،ح ۹۰۳،الکبیر الطبرانی)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اے لوگوں اللّٰہ کے حبیب ِ اعظم رحمۃ اللعالمین ﷺ کی نا راضگی سے ڈرو
ورنہ امتِ محمدیہ ﷺ سے خارج کر دیئے جاؤ گے
سید العالمین محمد رسول اللّٰہ ﷺ نے فرمایا!
”میرے بعد کچھ لوگ حکمران ہونے والے ہیں۔جو ان کے جھوٹ میں ان کی تائید کرے اور ان کے ظلم میں ان کی مدد کرے وہ مجھ سے نہیں اور میں ان سے نہیں (یعنی میرا ان سے کوئی تعلق نہیں)“۔(نسائی۔کتاب ا لبیعہ،باب۴۳۔۵۳)
٭
افضل ترین جہاد
٭رحمۃ اللعالمین سیدنا محمدرسول اللّٰہ ﷺ نے فرمایا!”سب سے افضل جہاد ظالم حکمران کے سامنے کلمہ حق کہنا ہے(انصاف کی بات کہنا ہے)“۔(ابو داؤد،ترمذی،نسائی،ابن ماجہ)
٭
..
Comments
Post a Comment